Bu kitobdan ko’zlangan maqsad nima? Ilg’or kishilarning vaqtida o’rganishni istagan hayot saboqlari.
Siz universitetni tugatib, birinchi ishingizni topasiz yoki nihoyat lavozimingiz ko‘tariladi keyin esa to‘satdan hech qanday yo’qirnoma yo ko’rsatmangiz yo’qligini tushunib qolasiz. Sizdan boshqaruv siyosatini qanday nazorat qilish, qachon fikr bildirish, bosim ostida qaror qabul qilish va bu asnoda shaxsiy hayotingizni izdan chiqarmaslik kabi hamma jabhani bilishingiz kutiladi. Atrofingizdagilar esa xuddi hamma narsani bemalol joy joyiga qo’yib qo’ygandek tuyuladi. Xo‘sh, nega faqat men kechikdim degan his sizga bunchalik yopishib olgan?
Chindan shundaymikan? Ko‘pchilik hayotni asta-sekin o‘rganib boradi. Hatto eng ko’zga ko’ringan kishilarning ham qo‘pol xatolari, shubha va baxtsiz tasodiflar sabab o‘rgangan saboqlari haqida o’z hikoyalari bor.
"Koshki kimdir aytgan bo’lsa…” kitobini bunchalar ta’sirli va foydali qiladigan narsa ham shu. U hayotiy tajribalar va mashaqqat bilan orttirilgan ko’nikmalarga boy bo‘lib, hayot saboqlarini ham samimiy, ham falsafiy taraflama batafsil ochib beradi. Yo’q, kitob bir kechada katta yutuqlarga erishishni va’da qilmaydi. Aksincha, uning diqqat markazida faqat mehnat turadi. Boz ustiga u shaxsiyatni ifodalash, muvozanatni ushlab turish va doimiy ravishda rivojlanish yo’llarini ham o’rgatadi.
Endigina ish boshladingiz, karyerangizda keskin burilish yasamoqchisiz yoxud hayotingizning yangi bosqichiga qadam qo‘yyapsiz… Mazkur audio xulosa aynan shunday o‘tish davrlarining mohiyatiga to‘g‘ridan-to‘g‘ri murojaat qiladi. Ommaviy axborot vositalari, siyosat va biznes sohasidagi turli ovozlar ta’sirida shakllanib, haqiqiy tajribalarga asoslangan ushbu saboqlar siyqasi chiqqan nasihatlardan ko’ra ancha uzoqqa boradi. Kitob asosan hayoti izdan chiqqan kezlarda ham qattiq ishlashga tayyor, oqilona tavakkal qilishni biladigan va o‘rganishga ochiq bo‘lgan har qanday shaxs uchun ayni muddao.